قصة حزينة في برنامج DOCTORS لأم و3 ابناء

قصة حزينة في برنامج DOCTORS لأم و3 ابناء , في برنامج DOCTORS أم ل 3 أولاد حد هاجمها وحدف عليها مية مغليه والعلاج فالمستشفي بيمنع وصول الدم للاطراف اضطروا يبتروا رجليها الاتنين كلها وايدها اليمين وباقي جسمها مشوه ماعدا وشها مستضفينها هي وجوزها بيحكوا قصة شفائها وازاي قدرت تتخطي المحنه .

الغريب فالموضوع ان مجرد بس سألوا جوزها احساسك ايه بعد ما عدت كل الفتره دي وكنت بتعمل ايه عشان تفضل الاسره متماسكه قال وعينه مليانه دموع “ان اصعب حاجه مريت بيها كل مره بيطلبوا مني امضي ع موافقة قطع طرف ليها بس عشان انقذ حياتها “.

لا مجدوا فيه ولا قالوا هييييييح وشوفوا ال RELATIONSHIP GOALS ولا الراجل ده محصلش ولا الهري بتاعنا ده لأن ده الطبيعي والعادي لما بنحب حد ونختار نكمل حياتنا معاه مينفعش اعيش مهدده لو حصلي حاجه هيتخلي عني لو شكلي مبقاش زي الاول هيبص بره لو تعبت هيسيبنب لأهلي يخدموني .

كل اللي قالوه انت مثال حي طبق عهود الزواج”في الصحه والمرض” يا جماعه احنا السوشيال ميديا كلت دماغنا اتنين عملوا فوتوسيشن جامد ف باريس ولا واحد حضن مراته يا عالم مراته عشان بتستلم جايزه وكإن الحضن حاجه خارقه للطبيعه ولا اتنين عندنهم فوللورز كتير ولا واحد جابلها دبدوب طولها مرتين وعلقلها بانر فالشارع بقي هو ده الحب عندنا ايه الحرمان ده .

كان في فيديو لأم دخلت تولد قيصري البنج أثر ع عقلها وطلعت مش فاكره أي حاجه اول حاجه لفتت نظري ان جوزها مش في الفيديو وان من يومها وهي عند أهلها !! للدرجادي بقي الكفار من وجهة نظر ناس كتير عندهم موده ورحمه وإخلاص أكتر من ناس بيصلوا ويعبدوا ربنا اللي في ديننا اسمه “الرحمن الرحيم” .

حب 2

حب